ياسـر وينه......................ياسر هنا........رد قصيدة سلمان الشدوي

ياسـر وينه......................ياسر هنا........رد قصيدة سلمان الشدوي

ياللي / سالتم ياسر اليوم وينه ؟
....................... اجيبكم / واقول : وين البطل/ وين؟
ياسر هنا / عند العقول الرزينه
................................ولا يحسّب/ للخبول المجانين
ياسر مع الامجاد يقضي سنينه
......................... ياسر هناك / يطوف كل الميادين
ياسر / يثمن /بالكنوز الثمينه
...........................معدن ذهب عيار واحد وعشرين
عند الذي هم بالوفا منصفينه
........................ ياسر مكانه / داخل القلب والعين
ابن الوطن / وان صار للجد حينه
........................ يهدي البشاير للوطن / والملايين
موجود ياسر فوق ظهر السفينه
............................ربان يحكمها / من يسار ويمين
في الكاس كاس العالم / وخابرينه
.............................. وفي اسيا حيّر جميع العناوين
هذا الفتى المغوار / تسلم يمينه
.................................لبس لباس الفخر : حٌله وتاجين
لو ترفعون الصوت ياظالمينه
............................ وتتوحدوا في صف /ماهو بصفين
لكم هدف لكن / ماتوصلونه
....................................مادام حجتكم / بليا براهين
غنوا / وحنا كل شي حاسبينه
................................ونعم بياسر ثم ونعم / ونعمين
وشبا ككم صارت لرجله رهينه
........................... يعتادها / في كل / شهرً وشهرين
احلامكم من بعد ياسر سجينه
............................ وافراحكم / ابعد من الهند والصين
من جهلكم / واحقادكم / والضغينه
............................ قامت / تلاعبكم / قرون الشياطين
كلامكم / ياكم لنا سامعينه
............................. لكن صعبه / توصل العرض والدين
والكذب / صورتوه / ومصدقيه
.................................مابه ضحيّه / لاتحدوا السكاكين
انتم ضحيه للفقر الغبينه
................................ والله يستر حالكم / يامساكين
واللي يوجهكم / عسى الله يعينه
.................................. لابد ياتي يوم/ يقضي به الدين
لو الامانه / في ايادي امينه
................................ ماحلت البومه / بوكر الشياهين
والخاتمه / ياهل العقول الذهينه
................................لاتظلمون الصقر راعي الجناحين
خلونظركم / في مدى لمح عينه
............................. وخلو/ الشتايم / في حلوق البزارين
والا الكلام / يمر / شينه / وزينه
.............................. ويبقى الكلام الزين / ويغادر الشين
ويبقى على مر الزمان وسنينه
............................ياسر : قصيده في قلوب المحبين
ـــ

ياحبيبي وين ماجد عبد الله بطل اسيا وش حنا يانصراوين مانقول الا الاتحاد الاسيوي و
ش يشجع هاااااه جاوبو

اخي لوفي سا ما وش دخل ماجد عبدالله في القصيده! هههههههههههههه مشكووووورهلالي على القصيده

شاكر على مرورك

ماشاء الله قصيدة زي الفول والياسمين

» ياسر التويجري
» قصيدة الفراعنه الدفاع النبي يوسف عليه السلام